Rôczimë Państwa serdeczno do òdwiedzeniô Kaszëbsczégò Mùzeùm m. Frãcëszka Trédra w Kartuzach.
Mùzeùm je apartno atrakcyjnym môlã, chtëren ùrzeknie Państwa swòją bògatą historią i prezentacją kùlturowi spôdkòwiznë Kaszëb. Pòznają Państwò w nim wcygającé sprawë zrzeszoné z lëteraturą, materialną kùlturą, jãzëkã, a téż dzeje i regionalné tradicje Kaszëb.
Ekspònatë naszégò Mùzeùm prezentowóné są w òsmë wëstawòwëch zalach przédnégò bùdinkù. Na parterze wëstôwióné są dlô zwiédzającëch gòscy pòdstawòwé òbiektë sparłãczoné z zajãcama tutészégò lëdztwa, a zôs na piãtrze pòkazëjemë wërobë lëdowégò kùńsztu Kaszëbów.
W 2019 r. do ùżëtkù òstôł òddóny mùzealny bùdink tzw. gòspòdarczi, chtëren pòddóny béł dogłãbnémù przëwrôcaniémù dôwny bëlnotë. W òbiekce tim są: kùzniô Bazyla, wëstôwk pt. „Kaszëbskô dzysczasnosc z kòrzeniów wërôstô” („Kaszubska współczesność z korzeni wyrasta”) i czasowé ekspòzycje. Na pòddaczim je kònferencyjnô zala.
Gòdzënë òtemkniãcô (lëpińc – zélnik): wtórk – sobòta 9:00 – 17:00, niedzela 10:00 – 17:00, pòniedzôłk nieczinné.
Gòdzënë òtemkniãcô (séwnik - czerwińc): wtórk – piątk 8:00 - 16:00, sobòta 9:00 – 15:00, niedzela (môj, czerwińc i séwnik) 10:00 – 14:00, pòniedzôłk nieczinné.